newrozî kurd

honrawey dił... le qûłayî bîrî piřsoz
zor car witra, bo cejnêkî weku newroz
ke nîşaney yekem řojî serkewtine
sinûrêkî pêşkewtine..
řojî řizgarî û azadî
le serdanî (zuḧak)y zoł, řojî şadî
tyaya basî serkewtinî konî kurd bû
wişey řengîn bo ew řoje dekewte řû
gel ew cejney le yad neçû
٭٭٭
kurdî nebez, gewre û biçûk
le kejawey beharî bûk
le pał duł û şaxî serkeş
be pişkoy geş...
deyan nûsî (bijî newroz)
bijî yadî řapeřînî kawey diłsoz.
٭٭٭
heman newroz.
emsałîş wa yadî dekeyn zor şanazîn
bełam hîway cejnî tirîş her dexwazîn
bo cejnê ta çewsawey kurd bigrêtewe
dûberekî û kêşey nawxo bibřêtewe
bo newrozêk
wek hî emřo, gişt diłsozêk
bo yek řêga hełgirêkî torbey bîre
torbey bîrî kurdayetî kurdî jîre
ewey jîrew ke diłsoze
le xebata sûtemenî hemû hoze
bebê guman kecutyare
çewsaweye, kirêkare.
ta dwa amanc bebê kołdan beperoşin
bo nawnanî cejnêkî tir tê dekoşin
٭٭٭
ta ewane dexnikênrên
řîşey nyazî ew pizîşke diłřeşane
derdehêndirên
kelecyatî çarî çawî ademîzad
çawhełkuł bûn, bo xo jyan
taku sipî wiřengî xorî bîrî azad
řeş bîn biken...
ew xełkeyan xiste guman
çak nasînî ew zołane û dost û dujmin
deskewtêke yekcar mezin
ta kurd biłê bo yekêtî beperoşin
bo nawnanî cejnêkî tir tê dekoşinbełam, bełam
ta xawenî diroy zil û xohełkêşan
teřadênî her lebaw bê
takû xiłtî mîkirobî nêw kanî jyan
bo xwardinewe... lenaw aw bê
heta wabê... leyek nageyn
cejnî xoşî û leş saẍîman... guman nabeyn
taku tem û hewrî pêş xor, netwêtewe
ta çwar parçey diłî xwênîn
kerit kirawî enqest be zor
yektir be bîr, be karî nwê negrêtewe
ahengîş bê diłî behar sard û siře
xoman birsîn, çewsênerman têr û piře
٭٭٭
ta kilîlî serbestîman lay zordar bê
řizgar nabîn
ta çewsêner le nêw xoman weku har bê
bextyar nabîn
saba newroz çiray bîrman hełgîrsênê
dujmin be gel binasênê
çewsênere û çewsawekan cya katewe
ałay yekyetî diłsozan hełkatewe
le hawkarî jimare «10» be nawî «c bêdeng» biław kirayewe}