hatnî şazade bolay noş aferîn
From the Book:
Suɫtan Îbrahîm û Noşaferîn
By:
Khana Qubadi (1704-1778)
1 minutes
524 views
dîsan hem ce new şazadey xûnxiwar
kerdiş arezûy gułbaẍçey gułzar
naga şazade cemîn destey guł
peyda bî ama çon bedir kamił
selam kerd ne řûy şay noş aferîn
watiş sed ’eleyk ey can şîrîn
wat canim fîday mawa û wiłat bo
dîdem payendaz cay qedemgat bo
bałam payendaz seru nazit bo
serim fîday deng şinoy řazit bo
mujey çemanim cařûbî pat bo
řoḧ wigyan û ’umir sergerd řat bo
sergerd řat bam herç řezaten
’edił bînayîm cay qedemgaten
şazade watiş ey guł cemînim
min fîday tobam ey nazenînim
ey řaz û wate meker we pêşe
belence û ẍemze cergim mekêşe
êd mwat gaga le’il lebanş
mebosa pêwe kam û zubanş
ba şazade û dost zułfan ’enberîn
ney ca bimano berazî şîrîn
er sed řazşan nimebo temam
ḧerfê bwaçûm perê xas û ’am