ey gird mewcûdê ce to girt maye
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1297 views
ey gird mewcûdê ce to girt maye
mewcûd her tonî, masîwa saye
penhan bî tenha, weḧdetit mewc werd
pey şinasayî zuhûrêwet kerd
be wêt, cey ’alem bêbeqay nasût
er wey gird cîlwey werîn neşnasût
be sed cîlweyter bêçûn û çenî
şinasayî tom nimebo, henî
serweşim bey wesif cemalîtewe
baz hem bey cîlwey celalîtewe
er her bew ’adet serweş nîgaran
pey fenay yekser xatir piř xaran
çar nîyen ce des cîlwe nekerden
bisim alilّeArabic ew têx, êd keçîy gerden
yagêwter nîyen dadî wêm kerûn
ce des to bêdad we lay kê berûn
waweylam bêḧed, zarîm bêşomen
ce lay to feryad, ce desî tomen