îḧsan û îxlas
From the Book:
Hedyey Kurdistan
By:
Jawhari (1875-1958)
1 minutes
1058 views
îḧsan û îxlas le ’îbadetda
herdûkyan şertin bo pyawî xuda
îḧsanîş debê me’nay bizanî
’emelî pê bikey heta detwanî
îḧsan eweye le ’îbadetda
zor be’edeb bî le ḧizûrî xuda
le derkî xuda be gerdenkeçî
’îbadet bikey le ḧed derneçî
zor be tewazi’ çawan hełênî
wa bizanî eto xuda debînî
me’lûme ke to xuda nabînî
ew to debînê, to ew nabînî
îxlas eweye le ’îbadetda
ẍeyrî ḧeq kest neye be diłda
le ’îbadetda řyayî nekey
her bo xuday xot ’îbadet bikey
herkes ewey xwênd leberî bika
xêrî degatê du’am bo bika
mangî řeşeme pazdey ma zistan
nûsra û tewaw bû hedyey kurdistan
be yadgarî pêşeway mensûr
cenabî qazî ře’îsî cumhûr
«cewherîPen name» etoş hełêne destan
biłê her bijî kurd û kurdistan