beydaẍ
From the Book:
Şarî Diɫ
By:
Kamel Emami (1903-1989)
1 minutes
1032 views
hateder ewřo le mîḧnet mîlletî meẍdûrî kurd
geyne awat û meramî xo hemû řencûrî kurd
bêkes û bêder bû emma to geyştî bûye kes
her bijî bo lagrîy me, ey ře’îs cimhûrî kurd
zor lemêj bû kurd deřoyştin, negeyne arezû
to nizîkit kirdewe bo ême řêgey dûrî kurd
mułkî kurdistan be dest bêgane pak wêrane bû
to le destit send û bûye amîrî me’mûrî kurd
awedan û gułistan û bê xezanit kirduwe
bew çiley zistan û řêbendane xwar û jûrî kurd
hîmmetî to bû le ser her herd û berzayî wiłat
deyşekênê bay fereḧ beydaẍî sewz û sûrî kurd
hêzî kurdistan delerzênê hemû şêrî jyan
’erz elerzê wa le ber pêy efser û me’mûrî kurd
ey «ziring» toş řoḧ û gyanî xot fîday ew zate ke!
ta biłên pêt aferîn ey řołeyî meşhûrî kurd