hawîn
From the Book:
Dîwanî Heqîqî
By:
Haqiqi (1902-1996)
1 minutes
1093 views
hawîn! germîy to germîy ewîne
dûrîy behare ew taw û tîne
sêwit degatê wêney memî yar
badam le dûy ew çeşnî çemî yar
bî mecnûn gerçî pirçî pexşane
wek zulfî leylim nekirawe şane
bełam serwî naz le dem cobaran
tenya wênêke le bałay yaran
bo têdar çake sayey darî bî
emma ewîndar sayey yarî bî!
eskender tînûy awî ḧeyate
ḧeyat ew kate dił wa le late
lerzî dûrîy yar zor diłtezêne
tînî ewînî awirbezêne!
biłêsey germat mîwey geyandê
yekyan degatê nobey deyan dê
mîwey fesłî to wa şad û şîrîn
dênête bîrim ferhad û şîrîn!
le germîy toye tînî ewînim
le tořa pêk dê awatî jînim