çe xoşe jînî derwêşî eger derwêşî mewla bî
From the Book:
Dîwanî Şakelî
By:
Sheikh Ehmed Shakeli (1905-1980)
2 minutes
768 views
çe xoşe jînî derwêşî eger derwêşî mewla bî
newek derwêşî bê îşî xerîkî îşî dinya bî
nebête mezre’ey ’uqba çîye dinya û sûdî ew
gezê goř û dû gez cawe geda bî yaxo paşa bî
xełat û hatî em dinya netîcey mat û mebhûte
were mebhûtî dinya be newek řisway ’uqba bî
nekey diłxoş be dinya bî xerîkî xwardin û xew bî
we ya kokirdinî pare lemewla bê des û pa bî
ezanî axrî merge leber çî ew cil û berge
hewes bazî le dił derke îtir serberzî ewla bî
menaze to be dinya û nyazêkit nebê pêyan
çe serberzî eger ferzen le xoy û ehlî ḧaşa bî
xerabatî wekû dinya piřî bed mest û bed kêşe
dexîle xotî lê lade etirsim tûşî sewda bî
nemawe hîç penayê wa necatit da le ḧîley ew
biço bo lay sîřacedîn penahêkit eger mabê
be çawpêkewtinî ew şahe le dinya tê egey yekser
xotî lê lade edey ’eqłen eger hoşt le ’eqła bê
le dił derke xemî dinya meçêne towî meylî ew
be nefsî xom ełêm heta key debî to şêtî dinya bî
ezanî çone derwêşî, nebê êşî ne diłřîşî
meřence kes, neřencênî, mutî’î şay buxara bî
biçore xaneqay dûřo, ezanî çone derwêşî
murîdî şahî ’usman be, gerekte şêrî mewla bî
le ḧefta sałî dinyada nebû aram û asayş
çe xoşe şakelîPen name ger to lemewla řû le mewla bî