wełamî kaẍezî eḧwałpirsî deẍił û danî şakel bo ḧacî îbrahîm
From the Book:
Dîwanî Şakelî
By:
Sheikh Ehmed Shakeli (1905-1980)
1 minutes
387 views
her bijî serberz û aza beşqî ’usman û ’elî
çun le diłtaye pejare û pîrî hozî şakelî
şakelî daway le xwaye derkewît û serkewît
serkewîte ser seran des bixeyte ser milî
sermilî bûkî tereqî qołî to gerden benî
ya nîkaḧî ka le to eḧmed be qewlî ḧenbelîPerson
ḧenbelî ḧewlê bida emcare bo dîdarî to
řoḧekem bê ẍem be bo min şakelî û mîka’îlî
şakelî û mîka’îlî behrey xuda pêdawîye
piř le genim û coy řezaye deşt û herdî serkelî
serkelî şîne wekû deştî hemû şînayîye
şîw û serpel şîn û řûne awekanî cogelî
cogeley bo mezre’ey umêdî ’efum lay xuda
řûn û řûnak û řewane wek şetawî mendelî
şewq araye diłî herkes ke şewqî toy bibê
sed hezar xozgem bewane wa le lay toye diłî