ya şêx heřgawan meylekey leylê
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1251 views
ya şêx, heřgawan meylekey leylê
ser be ser we gyan herzanen xeylê
coşî kurey meyl diłistanîyen
dewaş heway ferd zimistanîyen
osay bilûrbend pencerey kawan
ayne sazîş wist ew şetawan
werwê berd ewbest gird guzergayê
dûy azîzşen dił aheřayê
hay ne, dił lwa û amaş pey nîyen
mekyaneş pey çêş nesîm ko şîyen
nesîm pencey pat er serdî kêşan
bidareş ne toy dił derûn řêşan
şon hen ney serwext. sazan pey delîl
ce her ser berzê hersî dîdem mîl
bişo çun yaway wey dûy serdewe
bêpirsa binał wey dû ferdewe:
bałaxaney çem dîwanekey to
banenaw we gił asanekey to
tikeş ’aciz kerd xeyałit têşda
azîz bo carê pa binye pêşda