şaxî goyje
From the Book:
Dîwanî Fayiq Bêkes
By:
Faeq Bekas (1905-1948)
2 minutes
1777 views
wa mezane goyje nizme çunke teb’î ’alîye
nazrî qesrêke cêgey şanşînî walîye
cennetî řûyî zemîn û wêneyî baẍî berîn
soze bayêkî heye wek mûs waye bo biřîn
şox û şeng kêwêke şay kêwanî ser řûyî zemîn
ger kewn meḧbûbeyek bê, şaxî goyje xakîye
berze teb’î ta bimênê tewqî kes nakate mil
tûřeye û tołesêne derdî dił nabate gił
subḧidem dengî peşêwe wek gułê hestê le xew
çunke zułfî řojî berkewt îke deşkê samî şew
bot dekate deştî meḧşer, dengî bulbul, dengî kew
’anî zerdepeř, denexşênrê bexwênî cwan û dił
fesłî zistan day depoşê befrî taze wek bilûr
men’ eka wek şêrî bêşe hatuçokirdin, ’ibûr
řesmî şadîş depoşê xerqeyêkî guł gułî
gułşene, gułzare gîrodey huzare serçiłî
asin etwênêtewe nałey ḧezîn giryey diłî
şêt û şeydaye debenge, deşt û seḧra małîye
cêyekî pîroze zyatir cêgey şêrî neře
piř le aza piř le ’aqił û dilêr şeřkere
sengerî řûy dujminane sextî řûy zeḧmete
bîlxulase bo jyanî ême kanî řeḧmete
bêşey şêrî jyane qet mezane xałîye!
’eksî xwênawî şehîdanî leser řûy zahîre
layeqî teqdîse çunke bê xetaye tahîre
layeqî teqdîre çunke fexrî kurdî wa leser
şayenî î’cabe çunke fecrî kurdî wa leser
îḧtiramî ferze çunke qebrî kurdî wa leser
axîrî tołe desênê, şêr le qetla mahîre