tewrî cewr
From the Book:
Bargey Yaran
By:
Hemin Mukriyani (1921-1986)
2 minutes
1024 views
dujminî kurdî nîye efleqî diłřeq betenê
řîşeyî xełkî ’êraqê deyewê hełbikenê
le ’êraq najî şitêkî berî çawî bigrê
her betewrê debřê załme nexil û dewenê
’ereb û kurd û turk, ermenî û aşorî
degrê, ya dekujê, wek butê sucdey nebenê
zêřî çî? asnî jengawî û tîje seddam
kone nasorî ewn êsteke dênin teşenê
kuştî, sûtandî û birdî le cinubî êran
wek meẍûlê ke le xoy řazî bika ehrîmenê
ewî ew kirdî benamerdî degeł kurdistan
şexte neykird beguł û nesteren û yasemenê
mûşek û bomî le dê û şarî wiłatî hełkird
xełkî aware bû bo deşt û telan û demenê
gulle dabarî weku terze leser pîr û cwan
terze kwanê bezeyî dê beguł û gyay çemenê?
wa biław botewe ceyşî bepelamarî becê
taze kobêtewe dijware bebêł û beşenê
xoy benêron û beçengîz û behîtlêr zanî
neydezanî dedrê miştî giranî le çenê
destî bêgane diney dabû ke xoy hełdêrê
keçî řaçû le peřey cergî pelî darebenê
lewetey hełmetî şêraneyî xełkî dîwe
xewî torawe, beşew řadepeřê, řadeçenê
maweyek mestî meyî berzedemaxî bû, bełam
katî wey hat ke xumar bêtewe lût dabjenê
ew ke neyhat bezeyî qet behejar û bêkes
řojî tengane ewan çon debê destî nekenê?
kes nîye cergî bekuçkêwe nenabê seddam
çon debê cergî ewîş xełkî bekuçkêwe nenê?
çon debê bakî nebê ew le «exArabic» û «extArabic»y ’ereb
çon necatî dê le des mameřeş û pûre nenê?
ew kesey hanî deda agirî şeř řoşin ka
naçte hanay ke kewt têr û piřîş, pê dekenê
taze řizgarî le des xełkî ’êraq dijware
hênde pênaçê, hemû dewruberî lê detenê
çî le des naye eger xełkî ’êraq emřoke
řapeřn, yek bigirin, des denê, řamałî denê
emeye aqîbetî şûmî le xobayî bûn
çarenûsî emeye dujminî xełk û wetenê