musułmona ez ’aşiqino
From the Book:
Dîwanî Seydî
By:
Seydi (1785-1849)
1 minutes
672 views
musułmona ez ’aşiqino, ten û cestem peşêw ḧało
tilêm xeste, diłim xemgîn, çemim hersîn, zwan lało
ezîç bêm yare lencêve, vilêwe, sûre sincêve
zerîfe, sawe zincêve, guł endame, zerîf xało
eger dosem ke dem baro, xemêm girdî medo waro
keru şabaş û nazaro, eger mułk û eger mało
birem «mecnûn», birem «barom» «nîşat», taket lwam aro
cigaş asto, lwa namo, bê ade zîndegîm tało
gyonłem bê beha berşî, de to borê seru ferşî
serem yawo kule û erşî, keru perwaz çenî bało
ce dax û towe ey dîdem, mirûne wesyetim êdo
berîne pî çuwe termim, nemamo daru şemşało
mer ewsam to bilî diłne, birune zêdu menziłne
kerar de û menziłem giłne, beyom serve xiřu pało
derek min ger mirû dîde, te weş bîne û neřencîde
fidêw to bo cese û seydîPen name, te kałonî, humay kało