îmaretî kełhuř

şerefname ełê kełhuř netewey gîwî gûderze û xanedanî em ’eşîrete {fn|mêcer řawlînson le 1836 m.da çote zehab, derḧeq be ’eşîretî kełhuř ełê: «kełhuřî ełên ême zor qedîmîn û le neslî «řeham»yin. řeham bextenesrî meşhûre, ke felestînî dagîr kirduwe û be řîwayetêk çil penca hezar małêkî hênawete şaxanî zaẍros. řenge em ’eşîrete netewey ew menfîyane [şarbeder kirawane] bê, çunke zor nawyan heye ke le nawî cûleke eka û ḧezretî dawid be pêẍemberî xoyan ezanin. legeł emeşda îslamin û beşêkî ’elîyułłahîye.»

lam waye em fîkire řast nîye, eger wekû be’zê asar û dela’îl bo nefîkiranî cûleke bo dewrî zehab bê, řenge be sebebî îxtîlatî ecdadî em ’eşîrete legełyana be’zê ’adet û ’en’ene wergîrabê, bełam tarîx ełê ke sîros (keyxesrew) le dway fetḧî babil em cûleke nefîkirawaney nardotewe felestîn.

bedûr nîye ke netewey řehamî kuřî gûderzî şahname, weya gûderzî ḧukmidarî eşkanî bin ke legeł mêhirdadî qeřałî ermenistanda şeřî kirduwe û meşhûre.} sê beşe:

1. begzadey pałingan

2. begzadey dereteng

3. begzadey mahîdeşt

emîrî nasrawî pałingan, ẍeybułła nawêk buwe û be’zê qełay şarezûr û nizîkî em wiłatey be desewe buwe. le dway xoy, le teřef şah tehmasbewe miḧemed begî kuřî kirawe be emîr û em bege zor xidmetî ’îlim û me’arîfî wiłatekey kirduwe û le dwayîda şah tehmasb kiçêkî lê xwastuwe. emeş îmaretî miḧemed begî gewretir û bequwettir kirduwe. le ḧeyatî xoyda mułkekey le beynî çwar kuřîda beş kirduwe. le dway wefatî, mîr eskenderî kuřî hatote cêgey û bîst sałêk ḧikûmetî kirduwe. le dway mîr eskender, qełay pałingan, kewtote des emîrêkî dînewer û le paşda bote mułkî ’usmanî.