kurd bêkes nîye
From the Book:
Bo Kurdistan
By:
Hazhar (1921-1991)
2 minutes
1555 views
em şî’rane le jimareyekî govarî «řizgarî» y partîda çap kirawe:
řojî xoşît hate aso ey gelî xembarî kurd
řojhełat řoşin deka şewgarî tał û tarî kurd
kotrî pîkaso ke mujdey hêmnî hêna gutî:
mird beserçû řojî îstî’bad û îstîsmarî kurd
kewte lerze tenbełî xayîn begel, mêşk û diłî
tunde řîşey dakuta hêzî piřolîtarî kurd
hêzî îstî’mar ke hêndêk miftexorî zigziln
çermî milyan xoş deka zor zû tenaf û darî kurd
zû debê asniger û cûtêr be kutik û dasewe
hełbiřn buktin becût esto û serî bedkarî kurd
nayełîn faşîstî weḧşî amrîkay daxwazî ceng
bîdene ber bom minał û mał û ladê û şarî kurd
kê dełê kurd bêkese? gişt aştîxwazanî cîhan
xêrxiwahî mułkî kurdistanin û xemxiwarî kurd
hînd û çîn û korya bo kurdewarî ceng eken
kirmilîne û hêzî çîn, pişt û pena û dajdarî kurd
lawekan herkatê cêjnî řojî azadî deken
bênnewe bîrtan hejarêk, şa’îrêkî zarî kurd
dawetêkî řeşbełek bigirin le dewrî gořekem
yektirî maç ken be yadim diłber û diłdarî kurd