bîst û pêcem: bazirganî cwan

nem’ezanî: bazirganî
nem’ezanî: to lewaney
ke xoşewîstîyekî germ
beşew û řojêk le yad eken!
gyanim hênde xiroşabû
nem’ezanî bo kwêy berim!
bełam êsta
ke pêm zanî
nek qutabî
bełke mamostay şeytanî
le bazařta be’asanî
dił ekřirê
efroşrê
to cwanêkî bazirganî
bedem mişterî tazewe
zor řûxoşî
kon efroşî
benazewe
dêy bepîr hînî tazewe
bazirganît
bazirganî ’umrî cwanît
hînî xotî newek, hî min
nek ewaneş ke weku min
etkiřîn û etfiroştin
bazirganît pêwekirdin
le to waye:
dinya û jyan
dił kiřîne û dił firoştin
na.. na.. xanim
qisey nawê û bêgumanim
têt geyştim
çak ezanim
ke: fêławît
bełam ey cwan
řojêk ebê
beserta bê
temaşay awêne bikey
zor mûy sipî bedî key!
ewsa egrît
quř epêwît
bo řojanî
bazirganî
bełam ewsa
kesêk nabê
lêt bikřê
to her awa bîrbikewe
êsta:
cwanît
bełam ewsa:
xot eyzanît!