ḧîkayetekey telîsim û cadû
From the Book:
Pendekanî Pîremêrd
By:
Piramerd (1867-1950)
1 minutes
617 views
ḧîkayetekey telîsim û cadû
êsta le ême wa kewtoteřû
be fêł kewtûyne jêr em zemîne
hêzman biřawe û barman sengîne
hîwaman tenha le lay xwa mawe
dû beran le jûr serman westawe
yekêkyan sipî, yekêkyan řeşe
dyare beranî řeş be gerdeşe
mawete ewey xoman bihawîn
serispî kewtîn, wa xelesawîn
kewtîne ser řeş, řojî řeşmane
ta demrîn şeř û negbet beşmane
tecrûbey tal’ şertêkî tyaye
pena be ḧewl û quwetî xwaye
ebê îbtîda be bîsmîlla bê
be nawî xuda def’î beła bê
êmeyş wek kabra, ya cinoke û xêw
bîsmîllayan kird, kewtûyne cinêw
kewate meřî řeş bextimane
mayey řizgarîy ême îmane
katê be cezbey ayînî îslam
hawar keyne xwa egeyne meram