xozge emzanî em řeşebaye
From the Book:
Pendekanî Pîremêrd
By:
Piramerd (1867-1950)
1 minutes
823 views
xozge emzanî em řeşebaye
ke hawînan dêt boç wa germaye
keçî zistanan ke elirfênê
hênd be tewjime ga efřênê
hay şemał xot û şemałit bijîn
fênkîy diłe şinet be hawîn
şemał xermanî pê be şen ekirê
řeşeba kełkî kam îşman egrê
tozî řeşeba çawî kwêr kirdîn
şew le serbana abřûy birdîn
be hemû bayek elerêynewe
be horte û beře egeřêynewe
em gêre û kêşe le bê karîye
małe û mał geřan le naçarîye
ewî îşêkî bo xoy pêkhanî
nayperjête ser watey dîwanî
ewî le jin û małî memnûne
çî le qumare û em tûna û tûne
ewî bo qumar eçête cêyan
şew ebateser ta berî beyan
dyare derbestî mał û ḧał nîye
şeytanîş ledwa hî wa şeqîye