’îlmî ḧuqûqman ke serdeftere
From the Book:
Pendekanî Pîremêrd
By:
Piramerd (1867-1950)
1 minutes
811 views
’îlmî ḧuqûqman ke serdeftere
bo wezîfey berz yeke řehbere
likêkî zorî lê ebuwewe
min xwêndim bełam bîrim çwewe
ḧuqûqî duwel quristir bû basî
çunku pêwîst bû bo dîblomasî
êsta ew derse bawî nemawe
ke zor kewte naw ew kewte lawe
’îlmî fîqhîşman way lê beserhat
modeyêkî wa le nawa dahat
ḧeram ḧełałî weha řaw nawe
ḧełał serbiřa nutqî nemawe
’erz û małî xełk şer’en ḧerame
newek mał ’erzîş bo zordar řame
heray ḧuřîyet kewte nawewe
le piř herdû pêy kewte dawewe
êsta be bê qorit îstîbdad ḧuře
wek kurde dełê çira hełbiře
ewîş ke emřo kewtiwete hawar
her bo eweye xoy bête řûy kar
emane ême zû têygeyştîn
nûsîman ciřtyan bo řadehêştîn