behare emřo wa kêw û byaban giştî řengîne
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
2 minutes
434 views
behare emřo, wa kêw û byaban giştî řengîne
hemû feřşî çemen êste le dîba’î řeyaḧîne
gułe, gułbaẍe, sewłe, nêrgise, şimşadî bustane
wenewşe û şestipeř û guł ateşîn û seru û nesrîne
hemû kes destî yarî xoy lenaw desta le gułzara
be dengî berbut û çengo xerîkî badenoşîne
beẍeyrez min nebê emřo le goşey ḧucreyî tarîk
hemîşe deste’ejnom û beşim giryan û hem şîne
giriftarim be derdî ’îşqî diłdarê ke wa emřo
be xwênî ’aşiqan daym berî pêy sûr û řengîne
le ’îşqî yarî ẍeddarî dił’azarim hemû anê
řuxim zerd û serim gêj û diłîşim mat û ẍemgîne
diłim bo baẍî řûy ew bulbul’asa zor peşêw ḧałe
řehî mesdûde çunke zułfekanî mîslî perjîne
lebo seydî diłî ’aşiq hemîşe řişteyî zułfî
şikenc û pêç û tab û ḧełqeḧełqe û piř xem û çîne
emin emřo le ’îşqa cênşînî textî ferhadim
nîgarî nazenînîşim leser řeftarî şîrîne
egerçî to nexoş û zar û bîmarî ema eḧmedPen name
le le’lî lêwî yar maçê lebo em derde teskîne