be mîratî le diłmo daẍî řeş bo lale cê mawe
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
433 views
be mîratî le diłmo daẍî řeş bo lale cê mawe
ke weqtê sewz ebê ew boye wa naw cergî sûtawe
be soz û nałe dengî bulbulê min dête gwêm emşew
mezenne şîwenî bo ’aşiqêkî taze kujrawe
witî şêtî ke bałay min bibê to seyrî ’er’er key
le cêyê zułfî min bê bo çî to çawit le lawlawe
fîday ew zułfe bim wek sunbulî teř ser heta pêy to
ledewrî qametî serut be pêç û ḧełqe aławe
sibeynê çûye baẍ û xałî řûy toy dî xecałet ma
wenewşe boye milkeç êste wa meḧzûn û damawe
çilon teyrî diłim řizgar ebê cana le destî to
ke xałit daneye û ḧełqey esîrî zułfî wek dawe
temennam kird ke maçê tu kerem fermûy be bendey xot
witî bê deng be nabînî řeqîb lewlawe westawe
witim ta key le ḧeq min çawekem to bê wefa û meylî
witî nazanî eḧmedPen name êsteke bê mirwetî bawe