aw her şwênêkî girt awedane
From the Book:
Pendekanî Pîremêrd
By:
Piramerd (1867-1950)
1 minutes
791 views
aw her şwênêkî girt awedane
zordar le dêyek danîşt wêrane
xoman dûy pyawî zordar ekewîn
herwa ezanîn mexlûqî ewîn
herçî peydakeyn ew eyba û eyxiwa
ewsaye hawar ebeyne ber xwa
xiwayş efermiwê kirdey xotane
tenha pyawêke, hênawtane
hawcinsî xotan kuşt małtan bo bird
beser xotana êwe załtan kird
çake û xirapey xotan nezanin
her binałênin ke bar giranin
le naw xotana eger bira bin
diłsozî yek bin, be bê hera bin
hîç kesê piştitan nada le erzî
înca ekewtine řêgey serberzî
ełên çwar řêwî şêrê kewł eken
êwe ke şêrin boç pişt hełdeken?
le řêy xizmetî gela mesrewn
wek şêrî beydax jûr serma kewn
êwe dû çiştan bo danrawe
yekê pêław û yekê kiławe
eger pêław bin etankene pê
kiław bin xełkî lesertan enê
ser û jêr kewtin be dest xotane
xwêndin û cehle řêgay em dwane