çerx her ew çerxe, ke çerxî sûřand
From the Book:
Pendekanî Pîremêrd
By:
Piramerd (1867-1950)
1 minutes
778 views
çerx her ew çerxe, ke çerxî sûřand
dengî şeypûrî řezaşay xefand
êsta şeypûrî şapûr exuřê
be banûy mîsrî çiray egřê
eger hat ewîş biłê şahenşam
lêy qebûl naka qemarey ’ewam
dîktatorî řûy le nehatîye
êsta dewr dewrî dîmuqratîye
dinyaken fanî karwanseray řeng
nîwey diłşade û ew nîwey diłteng
gahê pişt be zîn, gahê zîn be pişt
katê lengewqûç, ga leser tenîşt
ga eçîte best řêgey pilîkan
gayê řadare, řêgay merîwan
ahêke řiştey sitemkar ebřê
hewda ke tundit kêşa epçiřê
ełên har emrê be xołî mirdû
beser «hîtler»a bîbêjnewe zû
bełku xwa bîka ewî pê bimrê
emende laqî bendey xwa negrê
be hoy ewewe hênde kujrawe
qebirsan cêgay mirdûy nemawe