pêm gut: be germa, meçore beẍda
From the Book:
Pendekanî Pîremêrd
By:
Piramerd (1867-1950)
2 minutes
931 views
pêm gut: be germa, meçore beẍda
witî: fênkî dił bo ewêm eba
mesîney mesned awiřşên eka
heway banqenot baweşên eka
řabtey řesmî naw «’imle»y diłgîr
xêrî zortire le řabtey pîr
ewyan xeyałe û ewyan maddeye
pîrîş bo parey mifit amadeye
say aşe berze û awî çûn terze
binçîney teqway hênaye lerze
be şwên teqwada kewtime teq û dew
etirsim dwayî lêm bibê be xew
zor kes lexewda pare ebînê
eyxate destî û tund eyqûçênê
ke hełsa le xew destî kirdewe
hîçî tya nebû, tasî birdewe
qeyd naka řojî şayî şayye
taze pyakewtû le xoy bayye
bo dunya xefet mehênere ber
her çonê bîgrî wa deçête ser
ewaney kewa řazîn be latî
ḧełał xorîye û kem desełatî
kê xełatî xwêş řet ekatewe
şêxîş şeřabî mifit exwatewe
dunya bo hendê mesned enwênê
ke destî řahêşt cirtê ekenê
hîç kes şik nabem ke dinyay newê
lewe detirsê destî nekewê
zorî wa heye gêreşêwêne
le naw no menceł şîrda hewêne
hî wayşiman hene ke eyxafłênin
parûy le demda lê efřênin