be turkî payîz ke «suk behar»e
From the Book:
Pendekanî Pîremêrd
By:
Piramerd (1867-1950)
2 minutes
1075 views
be turkî payîz ke «suk behar»e
emsał nimûney derkewt lem şare
çwale gopkey kird erxewan pişkût
qariçk hełtoqî be lût û bizût
bełam ew kargey zû serî der kird
lêre û le kerkuk zor kesî pê mird
etirsim taray erxewan wabê
xumî cûlekey dewran şêwabê
xêr! derûy xêre, xwa kirdûyewe
daykî giranîy «al» birdyewe
yaxwa ememan lêbgeřê beřast
biz şîr da û êmeyş têr bixoyn le mast
ke mast peyda bû norey penîre
bedkar hewênî no qazan şîre
aferîn lewey ke şîrî pake
şêrî meydane le şêr bêbake
ew diłey ke wek menceł jeng dênê
şîrî tê meke eybizřikênê
min twêkłe şûtîm kird be mireba
xełk eyxate jêr pêy xełk řet biba
ewî xerîke dostî xoy bixa
katêkit zanî wek dîwar, řûxa
herçî lay gewre watey řewaye
eger çak nełê «çak»y kewaye
nedîm nimûney qîblenmaye
bed mebe, řojan řojî le dwaye
diłî hîwadar xurpe xurpîye
legeł řaberda çirpe çirpîye
ewî řojûy girt seriftirey neda
řojûy nabene baregay xuda
cejin danra bo řojuwewanan
êsta bê řojû eyben bo xoyan