çend xoşe însan şêwey şem’î bê
From the Book:
Pendekanî Pîremêrd
By:
Piramerd (1867-1950)
1 minutes
906 views
çend xoşe însan şêwey şem’î bê
xoy bisûtênê û nef’î cem’î bê
çend xoşe însan xûy çak bigrê
ewe bigrête baweş ke demrê
çend xoşe însan ke be řencî şan
koy bikatewe bo erkî mîwan
nek le meř çewr ka bîda be gurgan
xoy mayepûç bê û řûzerdî dîwan
hendê çî dest kewt her tê depestê
liẍawî şeytan demî debestê
ew paşekewte bo mêrdî jine
be zîndûyî xoy jin lêy dujmine
herçî xward ełê: ax nemxiwardaye
jimarey sedey tewaw bwaye!
ke çûyşe gořê ełê: hey bêdad
min kom kirdewe kê pêy bû be şad
eme dyare le pêş çawmane
keçî pîşeman xo tefredane
małî xonexor bo çekme bore
germe goř nebê pyaw gořbegoře
eme twancî bê dewłetîye
minîş ke bimbê gwêm leme nîye
bê dewłetîye wa bêkare bûyn
bê pareyîye pare pare bûyn
pareman nebê beçî dexwênîn
aw nebê dirext be çî eřwênîn