cur’et bo řojî giriftarîye
From the Book:
Pendekanî Pîremêrd
By:
Piramerd (1867-1950)
1 minutes
972 views
cur’et bo řojî giriftarîye
netîcey fîşał şermezarîye
ger to xerîk bî xełk bişkênî
toyş le ḧurmetî xota namênî
gewre eweye xełk gewrey bigrê
newek wek dowik tenha xoy bixurê
eger le bedîy diłit pak nebê
gileyî meke karit çak nebê
ewî begunah zirê depoşê
du’a naybiřê sed şêx têkoşê
«kak eḧmed» du’ay bo bacgir dekird
eygût: bimênê nemrê dest û bird
nek yekêkî tir le musłimanan
wek ew řêgir bê û derçê le îman
be bomba masî dekewte ser aw
êsta ’emeley eşẍal kewte naw
be kirêkarî beřêwe deçû
her wa bizane cerde peyda bû
ełên: tebeqî piř aştî małe
řast eken eme zor ḧesbułḧale
swałker pêşřewî supayê bika
ordûy çengîzî leber řadeka
ke le hêlaney bêçwe çoleke
marê pêweday gileyî meke
herkes ’eqłî xoy le la pesende
fa’îdey nîye em bend û pende