dinya sêbere dway kewî deřwa
From the Book:
Pendekanî Pîremêrd
By:
Piramerd (1867-1950)
1 minutes
2204 views
dinya sêbere dway kewî deřwa
ke řût wergêřa ewt dê le dwa
ta gewretir bî xefetit zore
katêkit xoşe bikewye nore
gewreyî êsta derdîserîye
eçewsêtewe û le xew berîye
nayşiłên bo ême cistucoyetî
ełên kirdukoy her bo xoyetî
ewsa piştênî lê dekeytewe
ke xot le bêkar cwê bikeytewe
em dinya ḧîze berî zor dûre
heta to biřoy ew xwarujûre
zor car çawî řeş kał ebêtewe
zor dan be tirşî lał ebêtewe
tîke qût eden napirsin çîye?
em luqme çewre bê leqme nîye
ke leser xwardin nełêy nawî xwa
ełên: cinoke le gełit exwa
dest le însanî dił şikist meden
biłêy bîsmîla cwênit pê eden
eger pişt bestî be dostî dwênê
gezî çî û cawî çît bo demênê?
beşî xwardine manganey çinok
ḧewz piř ebê be tinok tinok