ke diłber xoy nwand xurşîdî xawer zû fîrarî kird
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
996 views
ke diłber xoy nwand xurşîdî xawer zû fîrarî kird
xecałet ma û be zerdî ’ezmî piştî kohsarî kird
be sozî sîne nałanî le fesłî payza bulbul
ke řoye naw gułistan û xeyałî newbeharî kird
xwa řojî ezel ew bejin û bałayey ke teswîr kird
le şewqî ew bû, xełqî ’er’er û seru û çinarî kird
witî mîskî xeta, bo min xetaye lafî bonxoşî
ke hat û bonî ’etrî perçemî şêwawî yarî kird
řeqîb wextê ke dî yar mîhrebane derḧeqî ’aşiq
teqî kird wek seg û topî, le daxa întîḧarî kird
le ḧesret lêwî leyla bû ke mecnûn şêt û řîswa bû
becarê kewte kêw û deşt û seḧra, terkî şarî kird
ke bîstî mujdeyî teşrîfî to, ’aşiq le xoşîda
ḧeyatî mabû tenha û ewîşî zû nîsarî kird
bijî ew şahî ḧusne wa le řûy lutif û keremkarî
ke wa yadêkî ḧałî eḧmedPen namey řût û hejarî kird