ya řesulella dexîle fexrî cumley ka’înat
be munasebetî řoyştinî ’alem bo çya û dêhatan û çoł kirdinî cê û řêy xoyan û pişt daneyek bo daway weten û baran û sermay zor
From the Book:
Dîwanî ’Asî
By:
Mulla Mustafa Asi (1885-1975)
5 minutes
832 views
ya řesulella dexîle fexrî cumley ka’înat
hewrî nekbet giştî dagirt ’ersegahî ka’înat
řû ke dergey baregahî karsazî ka’înat
wa şepolî beḧrî fîtne ẍerqî kirduwe ka’înat
eşrefî ewladî adem ya řesulella necat
sed esef têk çû nîzamî xoş ḧeyatî kurdekan
tîp be tîp mindałî me’sûm çûne şax û kêwekan
wa leber baran û serma her degryen bê wiçan
řût û birsîn bê umêdin pakî bêzarin le jyan
ey penahî bê penayan ya řesulella necat
gêjelûley bay nedamet gêjî kirdîn xas û ’am
gerdelûlî gerdî ḧesret lûlî da sefḧey qîwam
sa’îqe û berq û birûskey sozî sîney ehlî fam
agirî berdaye dinya ey ḧebîbî layenam
katî îmdade bequrban yaresûlella necat
dengî girye û řołe řoye xełkî ladê û ehlî şar
seyrî ke firmêskî çawyan bote xwên û dête xwar
giştî şêwawin le daxa her delerzin bê qerar
daye wis be dengî tope êsta ’esker dêne xwar
ey umêdî qewmî bêkes ya řesûlella necat
babe birsîme bequrban ax lebo yek pince nan
çawî babit xwa kerîme wa deçim bo dêyekan
ger be řûḧîş bête destim botî dekiřim řołe gyan
min jyanim nawê bê to namewê dinya û zeman
ey tikakarî řezîlan ya řesûlella necat
heste afret nek bitirsên zû bige mindałekan
girme girmî top û bomba qirçe qirçî doşkekan
nałenałî hewr û baran byanbene eşkewtekan
takû detwanî legeł xot bîbe boyan çêşt û nan
ey hîdayet xwahî ’alem yaresûlella necat
daye bawkim kwa le kwêye kwa biram û xuşkekan
eḧmed û zana û nesrîn çîyan beser hatuwe ewan
řołe bawkit xway legeł bê dwênê ’esker kuştyan
paşî bawkim boçî bijyem tuxuda ey daye gyan
ey ḧekîmî derd û azar ya řesûlella necat
cergî dakit qet megrye řołe to xot řagre
zû sîlaḧî tołe sandin çawî dakit hełgire
întîqamî nîştiman û xwênî bawkit wergire
dujminî qewm û wetentan manewey wek agire
tacdarî tacî ’îzzet yaresûlella necat
řołe hêzî kurdî îmřo çeşnî deryay bê bine
çendî dyare ew le cebhe sê ewendeş her wine
gişt leřêgay nîştimanda arezûyan kuştine
řûbeřûy dujmin ewestê jyanî xoy lamirdine
sed dexałet şahî lewlak yaresûlella necat
wa deçim bo cebhe aferit gerdinim aza bike
ger emin kujram megrye bełkû şukirî xwa bike
çawedêrî beçkekanman baş û bê perwa bike
mał û serwetman gelêke xizmetyan zor ça bike
piştîwanî ehlî îslam ya řesûlella necat
çend şerîf û xanedan û merdî azar û piř huner
’aqłî piř hoş û ẍîret şêrî mest û behrewer
řojî lêqewman hemûyan wek piłingî kînewer
bo fîdakarî wetenyan bûn ẍerîb û derbeder
çaresazî qewmî bêçar yaresûlella necat
çend kesanî ehlî ḧurmet xanedanî ’îlim û dîn
wa le tirsî zułmî bê cê yek be yekyan derpeřîn
bê îmam û bang û ewrad me’bedî dînî mubîn
ẍîretî toye hîwaman ya şefî’elmuznibîn
xatemî xetmî nubuwet ya řesûlella necat
cêjnî mewlûdî kesêke ya îlahel’alemîn
xot ke fermûte le qur’an riḧimة lil’almînArabic
řojî keyf û şadmanî bo hemû erbabî dîn
sed esef bo qewmî kurdî mubtelay giryan wişîn
ey çiray řêgay se’adet ya řesûlella necat
pêşî asman hîwaman bote saḧey hewr û lim
şadmanî daye pêş xoy hêrşî lêşawî ẍem
zeḧmetî baran û serma tirsî fitneş dem be dem
řû le kê keyn ey xudaye ummetî xeyrul’enam
ey delîlî řêy hîdayet yaresûlella necat
her leber xatrî qidûmî ḧezretî fexrul’enam
lutif fermû ba xilas bê ey xudayî layenam
mubtelay derd û beła bûyn ya îlahî xas û ’am
’alme girtote pîş xoy em bełaye bîttemam
ya miḧemmed ya miḧemmed ya řesûlellila necat
ey şehnişahî nubuwet ya îmamelmurselîn
sef şikênî dujminî dîn şarî’î eḧkamî dîn
mehbetî serdarî emlak ye’nî cibrîlî emîn
bêre firyaman dexîle beşqî řebbul’alemîn
fatîḧî dergahî cennet ya řesûlella necat
kakî ’asîPen name boçî nařoy çîte to lem qujbine
êre hêlaney necatî pîremêrdî wek mine
#şitîwanî min xudaye min çi bakim dujmine
ey ḧebîbî zatî bê çûn cergî ’asîPen name kun kune
ey tebîbî em birîne ya řesûlella necat