řebbî to bît û cełal û kîbryat
pařawnewe û sikała le yezdan
From the Book:
Dîwanî Şaho
By:
Shaho (1882-1971)
2 minutes
754 views
řebbî to bît û cełal û kîbryat
řebbî, to bîw, ’abêdanî bê řyat
řebbî to îsmî ’ezîmî, e’zemit
řebbî to bîw xoşewîstî, mustafat
tû şewî «esra» ke cîbrîlî emîn
hate xizmet fexrî giştî ka’înat
beşqî ew katey kewa hate ḧuzûr
xel’etit fermû, be enwa’î xełat
mensebî gewrey wehat daye kewa
bûbe serdarî «’umumî» masîwat
wesfî mê’racî şehenşahî, řesûł
zeḧmete bikirê ke çon řoyşit û hat
xoy le nûr xułqabû dîsan ew şewe
geyye naw deryay ’ezîmî nûrî zat
řebbî to sêřî nihênî zatî xot
řebbî to bîw murselîn û enbyat
řebbî to bîw ’aşiqanî ḧezretit
řebbî to bîw, sadêqanî baregat
řebbî to û, xwênî şehîdanî kewa
bo řezay to gyanî xoyan kird fîdat
řebbî to esrarî qur’anî ’ezîm
řebbî to sozî nihênî ewlyat
bende ’ebdêkî zelîlim bê kesim
dengî nałînim hemîşe dête lat
baweřim waye ke ẍeyrî zatî xot
kes nîye firyam kewê bimda necat
gerçî şermindem syaye defterm
sehle lay to «’efwî bendey řûsyat»
beşqî ew taqane meḧbûbet kewa
bûbe esbabî wicûdî, ka’înat
sa penahim de be řeḧim û lutfî xot
«kamya bim ke» be en’am û sexat
to kerîmî bê nezîrî min feqîr
to ḧekîmî bende muḧtacî dewat
cud û êḧsanit umêdî «şayqe»
řibna arḧim waẍninî ’in ma sîwat