merḧeba mîwanî bawkim řojî yadî řeḧlete
From the Book:
Dîwanî ’Asî
By:
Mulla Mustafa Asi (1885-1975)
2 minutes
869 views
leser dawakirdinî ’ebduřezaq û diłşadî kuřî ḧacî necîm tahîr çelebî em mersîyem nûsî be nawî ewladanî, xusûsen kuřî giçkey kenawî samane. le řojî (40) y le paş wefatî xwêndirayewe le mizgewtî gewrey kwêsniciq. le axîrewesê şî’rî ’a’îdî xome
merḧeba mîwanî bawkim řojî yadî řeḧlete
sed esef bo xane xwêtan wa le ḧucrey weḧşete
çawekem yaxwa bexêrbên pê leser çawman binên
xawenî erbabî xidmet wa le řewzey cennete
hatnî îwe şîfaye bo hemû derdî derûn
çunke bo êmey birîndar def’î derd û mîḧnete
wa le xizmet řadewestîn fermû gewre û giçketan
lutfî êwe ey ’ezîzan dyare mayey ḧurmete
babe gyan mîwanekanit çaweřêy dîdarî ton
řûḧekem teşrîf bifermû zûke qurban fursete
řołekanit çawenořn toş were dîqqet bike
ta bibînî çawekanyan piř le eşkî ḧesrete
dostî erbabî wefabûy boye ’alem xas û ’am
bot be azar û peroşin giftugoyan řeḧmete
bo sexaw teb’î selîmit řeḧmetit bo dê hezar
mîhrebanî û diłnewazît şewqî nûrî weḧdete
paşî to ey babî řûxoş kê bî ẍemxiwarî emin
dił be kê xoş kem bequrban moşkîlêkî zeḧmete
xwat legeł ey kake ḧacî koçeket yekcarîye
we’de bo dîdarî yektir ’eresegahî qyamete
daẍî cergim dostî dił saf ey necîbî bawefa
bê enîs û bê řefêqî lew hewarî ẍurbete
nosed û ḧeftaw û dû bû katî derçûnit le jyan
çwarde bû kanûnî sanî cum’e bû em hîcrete
’asîPen name řawestawe ’aciz dił perêşan û melûl
ẍemzedey winbûnî toye derdedarî fîrqete