weharen seyren sewzey dyaran

From the Book:
Dîwanî Mewlewî
By:
Mawlawi Tawagozi (1806-1882)
 1 minutes  1193 views
weharen, seyren, sewzey dyaran
nim kewt ne dîdeş çun şew bêdaran
pey diłey manyay derûn melalan
saye bestewe xeymey gułałan
boy yexey seḧer pey demaxî dił
mano we nesîm cêbî cemînguł
çun dêwaney şor azîz ne serda
şetaw ser hor girt we deşt û derda
tûlanî çun hîcir xatir piř derdan
řewan wêney wesił gerdin bêgerdan
hay ce şinoy weş řoḧ efzay kawan
ay ce şaxey taf safî serawan
nek çun tafî çem piř esrînî çerx
bareke alilّeArabic çerx, hey aferîn çerx
çenî ce hestîy wêt tewasayît
çenî coşî ’eşq mecnûn asayît
bidye çon hurdan we nam û nengida
bêperwa mido wêş we řûy sengida
hay saqî hełay sermayey xamî
nimedom we des řay nêknamî
bawere weşweş sa dey hey pey key
tafî qełwezey safî şîşey mey
mewciş binçînem bido we hemda
hestîm do we berd herdî ’edemda