gełbaẍîyekan wextî xoy tałan û řêgrîyan...

gełbaẍîyekan wextî xoy tałan û řêgrîyan ekird, tirsyan çûbuwe diłî xełkewe, dinyakeş asayş nebû, herkes boxoy, leber ewe bêkarumêkarîş eçûn řêgrîyan ekird, bełam gełbaẍîyekan tirsêkî wayan birdibuwe diłî xełkîyewe herkesêk řêgrîy bikirdaye ’alemeke be gełbaẍîyan ezanî û zû xoyan eda bedestewe. řojêk jin û pyawêkî «marinc» y, řêyan ekewête ew wiłate, desteyêkî řêgir be nawî gełbaẍîyewe řêyan pê egirin, kabra tifengêkî pê ebê, tifengekeyan tê egrê, fîşek dernaçê! lewe zyatrîş fîşekî pê nîye; řêgrekan ezanin fîşekî pê nemawe, gemaroyan eden. jin û pyaw leyek da’ebiřn, jine egirin û pyaweke hełdêt, be jineke ełên řûtewe be, çît pêye daynê û biřo. jine ełê: min yek take eşrefîm pêye, ewe take eşrefîeşrefî: nêwî lîreyekî ałtûne û hî serdemî qacařîyekane.yeke, bełam pyawekem hemû eşrefîyekanî minî xistote gîrfanîyewe, ewa le destitan çû! ḧez eken nawwinîşanîştan edemê ke le gîrfanî lay řastyaye.

tumes eme wextî xoy ke le mał derçûn, çend fîşekêk le mała buwe, jine hełî girtuwe û xistûye gîrfanî lay řastî mêrdekeyewe! cerdekan ke eme ezanin, heřa eken be şwên kabrada, lêy dûr ebin, ew heřa eka, eman heřa eken, lêy nizîk ekewnewe be corêk wa ke dengyan eygatê, bangî lê eken: kabra ew eşrefyaney ke le gîrfanî řastitaye daynê û xot biřo, ewa jinekeşt bereła ekeyn, jinî xoyşit berewe!

kabra lem qiseye zor serî suř emênê! eşrefî çî û şitî çî?! key em eşrefî pêye?! cerdekan lêy nizîk ekewnewe û her hawarîş eken, wekû biłêt kabra xwêşî ekewête şikewe! dest eka be gîrfanya her bedem řakirdinewe, ke çî fîşek dê bedestyewe! fîşek derdênê eyxa ser tifeng, la’ekatewe û tifengyan tê egrê, řêgrekan esłemênewe, tifengêkî tiryan tê egrê, ełê řawestin; lewlaşewe jinekey dêt, tifengî sêyemyan tê egrê, ełê: dest berzewe ken û řûtewe bin! lûley tifengekeyan tê egrê û destî le karaye! jine dêt ełê: carê bênin eşrefyekey xom, paş ewe, lus û barîk çîyan pê ebê lêyan wer’egrê û ełê biřon! bang eken le kabra ełên biřoyn? ełê: biřon. pyawe dêt nawçawanî jinekey xoy maç eka û emanîş îtir eřon!