le beẍda gelê le kwêrekan mozîqa lê...

le beẍda gelê le kwêrekan mozîqa lê eden. řojêk pyawêk be yekê lew kwêrane ełêt ke hemû řojêk biçêt bo małyan fêrî mozîqay bika. kwêreş małî kabra nazanê, kabra nawwinîşanî małekey xoy edatê ke le wezîrye le fiłan şwên be destî řastewe dergay çwarme, ke parçe texteyekî biçûk le tenîştyewe dakutrawe û nawî xoy lê nûsrawe ewe małî ewane.

kwêrey mozîqar řojî dwayî eřwat be nawnîşaneke eçête kołane û be pał dîwarekeda be destikutan eřwa. dergay yekem û duwem û sêyem ne, egate dergay çwarem. lew kateda be řêkewt «ḧezeretî» le şorce birinc û řonî be ḧemałêka nardibû bo ew małe, ḧemał ke le tenîşt dergakewe řawestabû çaweřêy pisûłey geyştinî birinc û řonekey ekird le fereydunî xoman. ḧemałe řesmîyekanî beẍda her yeke bacêkyan pêye û em bace ya le quřquşim we ya le şitêkî tire û beser singyanewe hełî ewasin.

kwêrey mozîqar be destikutan ke eřwa le pêşa destî ekewête ser parçe bacî ḧemałeke, wa ezanê eme dergakeye û eme parçey tenîşt dergakeye ke fereydun pêy wituwe. emca dest beser singî ḧemałî ew be derga zanîweda dênête xwarewe û de’bay ḧemał dêt be destyewe, ewa ezanê ewe ełqeřêzî dergakeye dest eka be kutanî. ḧemał ekewête girme girim û bołe bol. mozîqar wa ezanê eme ’udekey şanyetî wa dengî lêwe dêt. dest le kêrî ḧemałe bereła eka û bepele dest eba bo ’udeke ełê: «segbab xêwke!

ke min dergakem kuta îtir to em awaze xwêndinet leçî?»

bem core fereydun mamostay bo xoy řagîr kird ke fêrî ’ud lêdan bêt.