’êl lew sere bû le dê mîşyaw kabraye...

’êl lew sere bû. le dê «mîşyaw» kabrayekî řuẍzayî lewê mabuwewe û cêgîr bibû; destî dabuwe felaḧet. le ber awayyekeda cêgay cûtî gay kirdibû be genim. genim bibû be qersîl û kerwêşkey ekird. ga û gotał û kergelî awayî pêy fêr bibûn. kabra çarî ne’ekird her çende derî ekirdin her ehatnewe, be xawenekanyanî wit kes gwêy nedaye.

řojêk siłêmanî ḧeme can eçê bo mîşyaw bo serukarî û çaw pê kewtinî cût û berawî ew sałey. siłêman xanîş zebir û zengêkî hebû lew naweda dîwexanî bo eřazênrêtewe û hemû ehlî awayî dewrî eden. lew kateda kabra eka be dîwexana û dest eka be şikat kirdin le ehlî awayî ke hemû ga û golkyan ekene naw deẍłekey emewe.

bo zebir û zengî siłêman xan eme qiseyekî zil ebê, nawçaw eda be yeka û eyewê tûře bibê le ehlî awayyeke. kwêxa hest beme eka û ełê: siłêman xan em kabraye diro eka kes ga û golkî nekirduwete deẍłyewe. xoy pyawêkî xirape eyewê bem byanuwewe le axra miłkaneke bixiwa. kabra tûře bû hełîdaye, witî: hey kawra goraney bêfeře ewe to êjî çî? desa siłêman xan! we qewrekey metḧet her kerêk lem awayyeda heye weha xoy heł’eşengênê û eçête naw pełegenmekewe êjê siłêman xane û eçête jêr dewarekey ḧeme canewe. xo bargîrekanyan her qiseyan we teka nakirê êsteş kawray kwêxa êjê diro eka. desa dirozin bûy we jêr kuçk û qisnekey şêxî mewlanawe řoḧim we qurwanî wê! îtir siłêman xan hîçî pê newtira.