taze şemendefer dahatbû bêcge le zelam...

taze şemendefer dahatbû. bêcge le zelameke her gyanleberêkî tir bixrayete şemendeferewe ebwaye xawenekey parey leser bidaye.

kabrayekî kurdî xełkî ew dewruberey «leylan»e swarî şemendefer ebê ke biçêt bo beẍda, kełeşêrêkî pê ebê; eger kełeşêreke be aşkira legeł xoy berê, ebê parey leser bida. ewîş ew pareyey nabê bîda. naçar kełeşêreke exate naw derpêkeyewe û lewêda eyşarêtewe. ke le naw şemendefereda da’enîşin beřêkewt pîrêjnêkî ’enkaweyî hendê penêrî pê ebê û le tenîşt em kabrayewe da’enîşê. kabra kunêk le ’astî nafekî derpêkeyda ebê, kełeşêreke hemû car lew kunewe ser derdênê denûkêk le penêrî pîrejin eda û ser ebatewe naw derpêke. îtir be tewawî be penêreke fêr bibû! le axra pîrejin pêy ezanê û temaşa eka ewa her care le naw lingî em kabrayewe şitêkî sersûr dête derewe û tozê le penêrekey eba û egeřêtewe dwawe. zor waqî wiř emênê; tenanet em waq wiřmaney em serincî kabra řa’ekêşê û ełê: ewe wa be kuł seyrî çî ekey? (kabraş be ḧałeke nazanê) jine ełê: bexwa bira gelê kêrim dîwe bełam ta êste kêrî penêr xorim nedîwe!