kabrayek hebû bawenûrî naw bû qerz...

kabrayek hebû «bawenûr»y naw bû. qerzarî kabrayekî şarî bû. kabra herçend hawarî ekird, bawenûr hîçî nebû pêy bidatewe. le axra řojê le keleberêka be gîrî hêna û řapêçî da. bawenûr witî: babe bo nîweřo were bo małewe parekem bo danawî etdemê.

bawenûr çuwewe bo małewe bełam zor peroş bû. jinekey lêy pirsî: bo çi wa doş dabirdûy? witî: wazim lê bêne qerzarî kawray şarîm, be gîrî hênam û witim pareketim le małewe danawe. were boy. êsta nîweřo dêt û hîçim nîye bîdemê. nazanim çî bikem? jineke witî: xemit nebê, ke hat min pêy edemewe. kabra witî: çon? to le kwêt bû? witî: to karit nebê ke ew hat to xot mexere berçawî, min cêbecêy ekem.

kabray şarî bo nîweřo çû bo małî bawenûr û leber qapî westa û daway bawenûrî kird. jine le pêş eweda ke kabra bêt hendê diřk û dałî leber qapîyekey xoyana danabû enca çû be pêşwazî kabra witî: ha bira çîye? kabra witî: qerzim lay bawenûre û boy hatûm. jine witî: bexêr bêy heqeket lay mine, min etdemê. kabra zorî pêxoş bû witî: debênye. witî: ew diřkane ebînî le ber qapîyeke? witî: bełê. witî: qerzeket bew diřkaneweye. witî: çon? witî: ewe ew diřkanem lewê danawe beyanî û êwaran awayî bewêda dêt û eřwa, xurîyekanyan ebê be diřkewe, min lêy ekemewe û eyşomewe û eyřêsim û eykem be cacim; eybeme bazar û eyfiroşim û eydem be pare, eydemewe le batî qerzeket.

kabra em keyn û beyney zor belawe seyr bû destî kird be pêkenîn. bawenûr leser banewe xoy şardibuwewe, ke gwêy le dengî pêkenînekey bû milêkî lar kirdewe û seyrêkî kabray kird, witî: ha seyrke, ke heqekey xoy destikewtotewe le xoşyana pê’ekenê!