le qisey gwê agirdanî kurdaneye ełê seg...

le qisey gwê agirdanî kurdaneye ełê: seg ke ekewête zistan lew kwêstane zorî serma ebê, befir û kiřêwe way lê eka hêzî eçnê û şwênêkî dest nakewê tyaya sitar bigrê, eçête her layek befir û baran û sermaye, le axra le pał dîwarêka şwênêkî pîs edozêtewe ke ewîşî pê bê, řazî nabê, lêy ekewê kilkî dênêtewe be dewr limozya û ser eka be naw gełî xoya. le layekewe baran eykutê, le layekewe kiřêwe eda be beynî tukekanya û eyşekênêtewe. be kurtî ew ḧałey ew heyetî meger her ew bîbê! lewê ke lêy kewtuwe xeyał eybatewe û dest eka be bêzû kirdin ełê: eme ḧałe min heme? şerit bê eger kewtime hawîn herçî letik û petkî dinyaye koy kemewe bo zistan û lem felakete řizgarim bibê. zistan beser eçê û ekewête hawîn, wirdewrde germa dêt û ebûjêtewe. na, ekewête çiley hawîn û germa zorî bo dênê. emcare esûřêtewe be şwên çiłkaw û cogeławî pîs û bogena bo ewey xoy tyaya bigewzênê û fênkî bibêtewe, seyr eka eweşî dest nakewê. be pał dîwarekana eřwa. ya lêy ekewê bistê zimanî der’ekêşê û peyta peyta eyxatewe demî û derî ekêşêtewe. ca lew wexteda ke ew zimanbazîye eka ełê: kure letkî çî û petkî çî, letkî çî û petkî çî?