aramî cane meḧremî řazî nîhane dił
From the Book:
Dîwanî Bêxud
By:
Bekhud (1879-1955)
2 minutes
3518 views
aramî cane, meḧremî řazî nîhane dił
ye’nî le beynî yar û mina tercumane dił
’erşî xudaye xatrî piř nûrî mu’mînan
pêy boye wa leser serî ḧewt asmane dił
wirya be! qet pizîskî gunahî tixûn nexey
bo ta’îrî meḧebbetî ḧeq aşyane dił
daym le derkî sîne be yadî biroy nîgar
şimşêrî wa bedestewe wek pasewane dił
bêgane bête jûrewe qet’î serî eka
ger yarî aşnaye îtir mîhmane dił
axo be yadî nêrgisî bîmarî kêye wa
řuxsarî sûrî zerde, beharî xezane dił!
bîmarî nazî ẍemzeyî çawêkî qatîle
mecrûḧî mewcî cewherî tîẍî debane dił
axo le ḧesretî neyî bałayî kêye wa
daym xerîkî nałe û ah û fuẍane dił!
çewtawî barî fîrqetî bałayî diłbere
pîrêkî bê ’esaye, egerçî cewane dił
tîẍî fîraqe qet’î řegî řûḧî kirduwe
xwên her wekû fware le řûḧî řewane dił
ye’nî le daxî laleyî řûy demgułêke wa
wek eşkî min ke řengî ełêy erxewane dił
mecnûnî gerdî naqeyî leylaye, werne boç...
wek çawî min hemîşe le şwên karewane dił
sîmurẍî qafî meḧwî xeyałî myane qelb
’enqayî wehmî mîmî demî bê nîşane dił
kewtote dawî towe be menḧûsî tênegey
teyrî humayî se’de, nełêy řayegane dił
daney meḧebbetî biderêw awî safî ’eşq
birsî meyêłe to bî xuda, bê zimane dił
lewsawe şuẍłî řabîteyî řûyî yar eka
fikirî ewende safe wek awî řewane dił
bê sucdeyî hîlalî biroy ew beřastî
zerd û ze’îf û zar û keç û natewane dił
bêxudPen name be emrî ew be le deyrî mecazîya
saqî meyî ḧeqîqete, pîrî muẍane dił
wextî ’urûcî ḧeqqe, bese pestîy betał
bo banî me’rîfet be xuda nerdewane dił