ey qamet sinewber, wey tel’etit behar
From the Book:
Dîwanî Edeb
By:
Abdulla Bey of Misbah Diwan (1859-1916)
1 minutes
864 views
ey qametit sinewber, wey tel’etit behar
kułmet weku şeqayq û řuxsare lalezar
ey xunçeyî nezaketî gułzarî diłberîy
ey gułşenî terawetî fîrdewsî kirdigar
ey serûy nazkî lême daym kenarco
satê were kenarekem, ke mirdim le întîzar
lem fesłî guł, cemalî gułistan, şikohî bax
weqtî meḧebbete, bedłi’azurdeganî par
parit eger legeł ême becefa dekird
emsałeket wefa beme bûbê îxtyar
xoşe sitem le canîbî yaran be’aşiqan
emma nebew qerare legeł emnî bê qerar
bê řûyî to, betayî serîy tuřeket qesem
daym diłim weku serî gêsûte tabdar
ew yek deme nîşate, besed řenc û derdî ser
yek ’alem em ḧeyatî bê, bê zeḧmetî xumar
ba mudde’î le nezmî edebPen nameda nîşan bidat:
kamî wedî’eye le kes û kamî muste’ar!