emřo, ke bebadey meyewe hatî leserda
From the Book:
Dîwanî Edeb
By:
Abdulla Bey of Misbah Diwan (1859-1916)
1 minutes
1106 views
emřo, ke bebadey meyewe hatî leserda
hênatewe ber; canî sefer kerde leberda
lew xistine ser řû, becefa, desteyî gêsû
we’dey wetenêkit beẍerîbanî seferda
bem terze, ke canperwere nutqî şekerînit
enfasî mesîḧêke le naw durcî guherda
ew tel’etî ḧoranî û lutfî melek asat
ḧaşa ke kesêk dîwye le terkîbî beşerda
yek ḧelqe û sed sîḧre, berî perçemit îmřo
dîsanewe axo çi xeyałatî leserda
zułf û serî kułmet binwêne bemuneccîm
ḧukmî çîye ’eqreb, le muḧazatî qemerda
qedrî çîye xurşîd, lekin pirtewî ḧusinit
cilwey çi deka: qetre, le deryay xezerda!
lew suretî zîbate, ke řoḧêke mucessem
wek suretî dîware, ewî řoḧî leberda
lew řojewe cana! ke nezerit lême kilakird
çûnî ser û małim bexuda her le nezerda
sînem superî nawekî diłdozî mujet bû
nemzanî ke nawêstê xedengit le superda
ew maçî şewî dî, beminit da bedû sed naz
wa êste bekamî edebPen namey te’mî şekerda