kifinit le berkey çatre
From the Book:
Dîwanî Esîrî
By:
Asiri (1895-1962)
1 minutes
880 views
řołe bimrî lem jyaney êste tya hey çatre
seyrî sergerdanîy gel key, xot fîdakey çatre
wa leser pişt bêhenaw û sist û tembeł lêykewî
dest û pê hełkey bicûłêy bo hîwaket çatre
nîştimanit wa wêran bê, to le keyf û noşbî
tûşî derdî bê dewabî ay û wey key çatre
gwêt le dengî zirmeyî top û tifeng û bombe bê
wa le neş’ey dengî saz û, neẍmeyî ney çatre
derbederbî, ser kiz û damaw bo řizgarîyî gel
wa lewey zîw û zeřit bê, lêre lêxey çatre
serbexo bî wu, le pêş çawtibê bedḧałîy gelit
biçye bendîxanewe, gyanit lewê dey çatre
serfiroy bêgane bî, şayî û wewît bê, mest bî
wa le sêpayet kirêy kifinit leber key çatre
ey esîrîPen name çak ełêy, kes gwê neda kełkî çîye
sa ke waye řojê zûtir, xot bixinkêy çatre