nêrgis
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
2 minutes
1041 views
ey pirç peřey sipî û nerim
řûmet bilûr
çaw... serçawey mestî û şerim
birîskey dê
wek komełe ałtûnêkî
zaxawdiraw
demî zerdit
eřwanête birîqey berd
le qedpał û girołke û herd..!
to pirsyarit le bay weşte
katê gopke
lêwî girjî ebrwênê
katê çiro
çawî nûstûy etrûkênê
ya erxewan
xunçe lêwî enexşênê...
to pirsarit le bay weşte
key efřê
pepûle wêłî ew deşte..!
key egate
beheştî mêrg..?!
wełam nîye
wek temenî gułałey sûr
tîj dêt û gurc tê’epeřê..!
ya wek
befrêkî sał direng
ke bibarê
çon nagate dem êwarê
a bew core
ba, çiro, legeł gopkey dar
dên û eřon
be firmêskî awringî şew
laşey lenaw çûnyan eşon..!
ey swaxî pepûley wêł
wełam nîye...!
naçar řû ekene yektir
ey pirç sipî çaw piř şerim
dem herwekû gencîney zêř
bedem şiney şemałewe
ta... ajeł dête małewe
mil bo yektir eleqênin
wekû dû pîrî sałxurde
dû řîş sipî ser gona zerd..!
çon řaz bo yekit germ eken
řabirdûyan
ehênin, bebay eden
a.. bew direnge
gwê bo yektir řayeł eken
ta zerde ser kêwan eben..!
keçî wełam..
ya soraxî pepûley wêł
nagate gwêçkey beq û çêł!
le piř hewr egirmênê
çexmaxey sûr
diłî çya ehejênê
tawî lêzmey baranî xoř
peřey nerimit ewerênê...!
çî naw enêy
hêrş... giryan,
hetaw
zerkeftî pirşingî
enîşête ser řûy zewî
bałinde dête cim û coł
eçrîkênin legeł nizar
ekewne coş û kef û koł...!
ew nêrgisî awatî kurd
çaweřê (pepûley) (cûłey)
beyan bênê?
diłî em kurde azaye řaçłekênil.!
ewendet zanî
samałî serferazî
hewrî diřî
bebay hêzî têkoşan
sayeqey azadî kiřî