nimanay beheşt pêşanîy nûrî
From the Book:
Dîwanî Mewlewî
By:
Mawlawi Tawagozi (1806-1882)
1 minutes
575 views
nimanay beheşt pêşanîy nûrî
azîz wey siftey dozexî dûrî
dûrît ’ezabê saz dabê perêm
’ezabêwter da, amaw lwat pêm
ay henî cey derd kê derman sazo
we hemsaye seg kam dermał nazo
çem we gerdî řay kê řoşna bo
leb we yage pay kê aşna bo
řoy wesiłit er sed zerûr nefamen
mizanam fełek çepgerdiş namen
fełek dad ce derd bêdewakey to
muẍennî feryad ew newakey to
bułend ker meqam «diłsoz» we řasî
tenzîleş ferd gel xałoy komasî:
«řoy wesiłit her bîm ey řuwe pêm bê
cew bone herřo řořo xidêm bê»
«îse ha fełek nîşan daden pêm
ax tirsyagekey gîr awerde wêm»
«emcar kê taqet dûrî to daro
dek berqî ẍezeb we cesem waro»