tarîkî û nûr

:eto cwanî!
eto gyanî!
eto sirwey şemałî berbeyananî!
eto wek dîmenî xawen şikoy kwêstanî kurdanî...!:emin darêkî wîşk û řûtî bertawim,
emin koşkêkî řûxawim,
becê mawim...:emin kwêstanî temgirtûm,
le pê kewtûm,
le deştî berberînî çarenûsa řenceřo mawim.
be zincîrî ewînî to le zîndanî xema besraw û damawim,
le řijdî bendenî ’îşqit pişûbiř bûm,
le xem piř bûm...:eto diłxiwazekem, ey kotrebarîkey le des derçû!
le ser pasarî koşkî piř tirûskey jînî řabirdû,
legeł zerdey gełařêza,
le şeqqey bałekanit da...
be damawî becêt hêştim le nêw adey xem û zîndanî hełbesta...
min û to çende lêk dûrîn...
wekû tarîkî û nûrîn...