kejałê

kejałekem!
xeyałekem!
hezar hênde řabrê,
hêştê her xeyałî to hewênî bestekanme...
bîrî xoşî naz û xemzeket humêdî nêw jyanme...
germelanî gyanekem,
cwanekem!
çaweřêy dû kotrî cwanî çawte...
diłim ke ogrî xeyałî pûç û xawte,
her be arezûy to lêdeda...
jyanekem!
berxe korpełey le dway mêgelanekem!
hîç le bîrte gutit ke ewpeřî jyanmî,
sitêrî asmanî,
şemałî berbeyanmî?
gułim!
diłim!
le bîrte xeyałman eřoyî bo hewarî arezû...?
le jêr nim nimî wefa,
bizey dehate ser demî,
gułî beharî arezû...?
ewêstê bîrî to le çeşnî derkeyek,
řêy hełatnim weber denê,
le dawî xem,
le çingî mirdinê...
xoşewîstekem!
xo firîw edem
xo firîw edem, be arezûy to mest ebim...
ax... çi xoşe mestîyekî wa,
lebo le bîrbirdinê,
lebo le bîrkirdinê...