neway kejawey leylê nazanen
From the Book:
Dîwanî Mewlewî
By:
Mawlawi Tawagozi (1806-1882)
2 minutes
926 views
neway kejawey leylê nazanen
seretay tełmît şîrîn řazanen
wey řoy dimay koç mecnûn bextanen
nałey ferhadî zamet sextanen
çun şêwya laney diłan piř daxan
coq coq syamał şîn pey leylaxan
ser’êł ’erzim hen la bikerewe
xêłxaney diłan ha le berewe
małatiş sercem we derd ewgaren
herd û hewargeş mafetedaren
dewłetmendenî la bider çeneş
małat û ḧeşam wêt meder weneş
koçî xêrit bo îmsał çun sałan
ta lay êlbegî êlî newhałan
wextê çun sałan we derûn awerd
pûşaney diłan leweřyay ew herd
pirsan kon? çêşen? pûşaneş naman
çun tałan berdan cwaw der aman
ne dîdey şadî dîdenîş xar bî
ce aşnayîş taqet bêzar bî
gêc meda sebûn şarezûrî dił
sîrwanî hûnaw derûnş gułguł
wajawiş mewyerd ne demax dem dem
taf mewest seraw çerxî zełim çem
’edemş ne pûş hestî mekerd saf
minmana çun xes hestîş ne řûy taf
heway hajey taf berdebê hoşim
bełam ey çend beyt ama ne goşim:
ay bextim tuẍyan wêran małîşen
germesêrî dił sya sałîşen
kozî soçyay derûnî piř derd
małatî şadîm yekser qiřan kerd
kizey řeşebay henasanî serd
syamałî ’eyş texte texte kerd
hawmałan yawan be wargey caran
min bêbareber mendey hewaran
cewrekey ser’êl xem bêşumaren
xêłxanem berpêç ta xêł ew xwaren