webanî dîdem
From the Book:
Dîwanî Bêsaranî
By:
Mustafa Besarani (1643-1702)
1 minutes
781 views
webanî dîdem ...
’ilîk alsilamArabic webanî dîdem
weş amay be xêr, ey berguzîdem
cay cařûy paten, mujey çemîdem
bełê dawa çûn, çiraẍim diłber
to me’nay selam wêt wanewe ber
selam yanî hay eymen be, ce min
çenî eymen bo mujet mitaş win
zułifit be nawak kuşnidey dîde
pa besteş kerdan, hey berguzîde
ya be şestî tîr, kemanî ebrût
bîlla byenan zayfter ce mût
aro sa her pey qor’anim be qest
sa amay aman, sa bigêrem dest
muşeřřefit kerd, hey berguzîdem
weş amay be xêr webanî dîdem