nałey derdedar bî ax nimebo
From the Book:
Dîwanî Bêsaranî
By:
Mustafa Besarani (1643-1702)
1 minutes
534 views
nałey derdedar, bî ax nimebo
derûnî ’aşiq, bê dax nimebo
’aşiq ta demî cefaş nimebo
bê cefa, hergîz sefaş nimebo
guł ce gułistan bê xar nimebo
bułbuł ce ’eşqiş bêzar nimebo
her kesê ’eşqiş řefîq nimebo
wasił be terîq ḧeqîq nimebo
meḧzûnî ’aşiq, bê yar nimebo
’aşiqan bê yar, mudar nimebo
ta mecaz nebo, ḧeqîq nimebo
ḧeqîq bê mecaz, teḧqîq nimebo
şêwey mecnûnî, bê leyl nimebo
kokenî ferhad, bê meyl nimebo
herkesê ce ’eşq diłşad nimebo
derî xeyr perêş, guşad nimebo