mîrzam new wehar
From the Book:
Dîwanî Bêsaranî
By:
Mustafa Besarani (1643-1702)
1 minutes
799 views
mîrzam new wehar ...
henî neyowe, îmsał new wehar
wenewşe şêwan, ne çem nigûn sar
berneyan weber sosenan ce xar
gułan berneyan ne sewz û ne zerd
xatir xemîn ban, çenî toz û gerd
jerej newano ce ser nisaran
şemał neşano şewnim ce daran
ne dengî saz bo, ne ’eyşî bułbuł
ne řengî guł bo, ne karxaney dił
sîweyl berneyo, emsał ne yemen
řeng řej nekero xezan ne çemen
pey çêş bî qîblem nimedo dyar?
bêzarim ce seyr gułanî wehar
mewlam bo řayê bwaçe tedbîr
zîndegîm şyen ne bendî zincîr